Mozzik dhe Noizy kanë bashkuar forcat për herë të parë duke sjell një projekt që mori pëlqyeshmëri të madhe tek publiku.

Dyshja erdhën befasisht madje e nisën jo zakonshëm paralajmërimin pasi vëmendjen e morën duke hedh “kunja” për njëri-tjetrin në rrjete sociale.

E tani disa ditë pasi kënga u publikua fansat kanë vënë re një detaj që sipas tyre mund të jetë diss për reperin MatoLale.

Në fillim të klipit të dy djemtë shfaqen së bashku në makinë duke qeshur teksa Mozzik thotë “Hey Siri. Play Bonjour Madame”. Mirëpo, sipas dëgjuesve të tyre kjo është një diss për MatoLale. Edhe ky i fundit në këngën e tij “Dybala” të publikuar një vit më parë shfaqet po ashtu në makinë duke thënë “Hey Siri” e më pas qesh.

Kujtojmë se disa muaj më parë Noizy dhe MatoLale u përplasën ashpër në rrjetet sociale.

E gjitha nisi nga dissi i papritur i MatoLale për Noizy dhe OTR.

Kjo u pasua nga statuse ofenduese në rrjetet sociale dhe një diss nga Varrosi.

Muaj më vonë ishte Noizy ai që publikoi këngën e tij me titull “1 herë e mirë”, ku i përgjigjej jo vetëm MatoLale por të gjithë personave që i kanë bërë diss.