Ai është një nga producentët me më shumë influencë në tregun muzikor shqiptar. Gjatë intervistës artisti 28 vjecar shprehet se bashkëpunimi me Three Dots e ka ndihmuar tej mase duke i mundësuar atij qëndrimin në tregun e muzikës. Krijimtaria e artistike e Kledit është e larmishme duke gjykuar nga numri i të këngëtarëve të cilët bashkëpunojnë me të si dhe rrymet e ndryshme të eksperimentuara. Në këtë drejtim ai vazhdon të jetë shumë aktiv si producent. Gjatë intervistës dalin në pah tiparet e tij, ndërsa bie në sy fakti se Kledi karakterizohet nga natyra e tij solare dhe marrëdhënia shumë e mirë me familjen e ka ndihmuar të qëndrojë pozitiv pavarësisht gjithckaje. Një personazh i tillë tërheq shumë vëmendje dhe duket se vëmendja nga seksi “i dobët” nuk kishte si t’i mungonte. Ndiqeni intervistën e plotë në YouTube në kanalin InTv Albania me emrin Man’s Life - Kledi Bahiti.