Koço Kokëdhima synon që të rikthehet në politikë dhe me këtë rast i ka hapur sfidë Ramës.

Duke nisur nga zgjedhjet e ardhshme parlamentare që vijnë pas disa muajsh ai është shprehur se do të rikandidojë fuqishëm.

Në një intervistë për ABC News nga Drimadhe, Kokëdhima u shpreh se do të rikandidojë për deputet në 2017 që të jetë sërish në Kuvendin e Shqipërisë.

Kjo është një sfidë e hapur që i bën Kryeministrit Edi Rama, duke pasur parasysh faktin se pas heqjes së mandatit të tij nga Gjykata Kushtetuese, marrëdhëniet mes të dyve janë ftohur.

“Do ta fuqizoj aktivitetin tim në politikë. Do të jem prezent në politikë dhe pa dyshim që do të rikandidoj për deputet”, është shprehur ish-deputeti.

Mbetet për t’u parë se si do t’ia arrijë Kokëdhima që të rikandidojë për deputet, meqënëse listat bëhen nga kryetari i partisë, Edi Rama.