Një person është kapur mat duke fotografuar votën tek vendi i fshehtë brenda qendrës së votimit. Ngjarja ka ndodhur në qytetin e Korçës  në këtë QV  që ndodhet tek Shkolla 9- vjeçare «Sotir Gurra», ZAZ 72.  Rreth orës 14: 30 minuta të ditës së sotme shtetasi E.K, 29 vjeç, banues në Korçë, pasi është regjistruar, ka marrë fletën e votimit dhe ka shkuar tek vendi i fshehtë. Pasi ka kryer veprimet ka bërë fotografimin e fletës së votimit, veprim që është parë nga anëtarët e komisionit. Shtetasit të mësipërm i është bllokuar nga Komisioni, fleta e votimit dhe në këtë moment ky i fundit, menjëherë është larguar nga Qendra e Votimit.” Procesi i votimit është bllokuar disa çaste pasi komisioni ka kërkuar ndërhyrjen e policisë.  Nga ana e Policisë, u kryhen veprimet e para proceduriale në lidhje me këtë ngjarje dhe po punohet për kapjen e tij. Pas përfundimit të veprimeve proceduriale procesi i votimit ka nisur normalisht