Pavarësisht se ai kishte shumë vite diferec në moshë, nga ish-partnerja 58-vjeçare, duket se për të ishtë shumë e vështirë ta pranonte ndarjen.

Kështu, një i ri në Genova të Italisë ka përfunduar në pranga, për përndjekje të vazhdueshme ndaj një gruaje 58-vjeçare italiane.

Sipas mediave fqinje, ata kishin jetuar një periudhë sëbashku, por shqiptari ishte i dhunshëm, ndaj dhe gruaja i kishte dhënë fund lidhjes.

Por kjo nuk e ndaloi të riun që ta përndiqte gruan në mënyrë të vazhdueshme, madje edhe duke e kërcënuar. 31-vjeçari, për të cilin mediat italiane nuk japin emër, e ndiqte gruan kudo, duke i shkuar poshtë shtëpisë e në punë, duke e detyrar atë që të ndryshonte banesë dhe aktivitetet e përditshme.

Episodi i fundit ndodhi mëngjesin e së premtes, kur për të disatën herë, ai u shfaq jashtë shtëpisë së saj të re, duke ulëritur e duke e kërcënuar gruan se do t’i thyente portën.

58-vjeçarja, e cila vetëm pak ditë më parë e kishte denoncuar shqiptarin, njoftoi menjëherë policinë. Kjo e fundit ndërhyri duke arrestuar të riun.