Nëse ka ndarje të Kosovës, do të ketë luftë! Ky është një paralajmërim i Gjermanisë dhe Angela Merkelit e thënë nga njeriu që konsiderohet dora e djathtë e kancelares, Norbert Roetgen.
Sipas portali serb “Srbija danas” ky është një sesazh i qartë i dërguar Beogradit e Prishtinës, por sigurisht dhe Donald Trumpit dhe administratës së tij në Uashington, ku fjalë për fjalë është shkruar në një raport konfidencial që në Këshillin Evropian për Marrëdhënie me Jashtë e ka prezantuar Roetgen, një nga bashkëpunëtorët më të ngushtë të Merkelit dhe kreu i Komitetit për Punë të Jashtme të Parlamentit gjerman. Dokumentin, përmbajtja e të cilit është bërë publike, ai e ka përpiluar së bashku me Robert Cooper, një ish-mbikëqyrës në dialogun teknik autoriteteve të Serbisë dhe të Kosovës. Raporti thuhet se ka tre faqe, ku përmendet drejtpërdrejt një konflikt i mundshëm i armatosur.
“Ndryshimi i kufijve në Kosovë me siguri nuk do të kalojë pa dhunë, ajo nuk mund të kryhet në mënyrë të qetë, dhe do të çojë në emigrimin e serbëve ky është vetëm një nga citatet e raportit të përpiluar nga Roetgen dhe Kooper.
Por ndërsa ky raport flet për luftë nëse do të ketë ndryshim kufijsh, edhe Kryeministri i Kosovës, Ramush Haradinaj më herët ka thënë të njëjtën gjë, e duke shpresuar vetëm te një zgjidhje me dialog.
“Përpara liderëve të rajonit dhe atyre nga vendet europiane theksova se Kosova, si faktor paqeje e stabiliteti dhe e angazhuar për fqinjësi të mirë, është jetësisht e interesuar ta arrijë në afat optimal marrëveshjen ligjërisht obligative me shtetin serb, të ndërmjetësuar nga Bashkimi Evropian dhe të përmbyllë të gjitha reformat në vend”, ka shkruar Haradinaj në Facebook.