Shkodra ka marrë vëmendje të madhe mediatike dhe politike. Ngjarjet kriminale të muajve të fundit kanë marrë edhe vëmendjen politike. Për këtë qëllim opozita braktisi punimet e Parlamentit dhe për dy ditë me radhë u instalua në kryeqendrën e veriut. 

Por tashmë strukturat e drejtësisë janë vënë në lëvizje dhe po marrin nën kontroll territorin.
Mësohet se Forcave të Ndërhyrjes së Shpejtë të Shkodrës që patrullojnë në zonë prej një jave, i janë bashkuar edhe RENEA dhe Forcat Operacionale të Tiranës.
Përforcimi i trupave është bërë me urdhër të Ministrisë se Brendshme. Ndërkohë FNSH ka ushtruar kontrolle gjatë natës në disa zona në Shkodër, konkretisht në Livadhe, Dobraç dhe disa zona te qytetit.
Masat e shtuara të policisë vinë pas alarmit të dhënë dhe nga pushteti vendor dhe opozita, se bandat dhe krimi kanë marrë kontrollin e qytetit.