Një ngjarje tragjike ndodhi në Fier para dy ditësh, ku Drini Dervini qëlloi me armë të dashurën e tij Ermira Arapi dhe më pas i dha fund edhe jetës së tij.

Lidhja jashtëmartesorë që kishin dy viktimat dhe një sherr i mundshëm mes tyre, mësohet të ketë qenë arsyeja që çoi në shkaktimin e kësaj tragjedi.

Grupi hetimor pas hetimeve, ka njoftuar se Ermira ka qënë shtatzënë dhe mund të ketë qënë kjo arsyeja që mund të ketë çuar në këtë ngjarje të rëndë.
Hetimorët kanë ngritur dyshime se 29-vjeçarja mund të ketë qenë shtatzënë me të dashurin e saj, Drini Derveni, dhe se ky i fundit i ka kërkuar të abortonte, pasi ai ishte baba i dy fëmijëve. Tjetër pistë e dyshuar është shtatzënia e Ermira Dushit me të shoqin. Për këtë shkak ajo i ka kërkuar ndarjen 32-vjeçarit, por ai nuk e ka pranuar këtë.

Burime nga vendngjarja bëjnë me dije se bashkëshorti i Ermirës nuk e dinte fillimisht se çfarë kishte ndodhur ndaj ishte nisur menjëherë nga Greqia së bashku me familjarët e tij për në Shqipëri.

Fillimisht u raportua që familja e burrit të Ermirës nuk ka dashur të marrë trupin e nuses së tyre për të zhvilluar cermoninë mortore, por si duket ky vendim ka qënë nga burri i saj i cili nuk ka pranuar kategorikisht të marrë trupin e Ermirës.

Sipas burimeve, ai nuk ka shkuar as në ceremoninë mortore në Ngurrëz dhe është distancuar nga të gjitha obligimet e familjes së saj, ndërsa vajza po qëndron me të. Gjithashtu mësohet se burri I Ermirës pas ngjarjes ka fshirë çdo foto dhe kujtim nga Facebook I tij.

Pasi janë kryer veprimet procedurale, trupin e Drini Dervenit e kanë tërhequr familjarët e tij, ndërsa atë të Ermira Arapit e kanë marrë prindërit e saj në Lushnjë. Në ceremoni ka qenë edhe bashkëshortja e tij, e lënduar nga vdekja e parakohshme e të shoqit, i cili i la pas dy fëmijë të mitur. Sipas fqinjëve të familjes, bashkëshortja e Dervenit nuk është vënë në dijeni për rrethanat e ngjarjes dhe as lidhjen me 29¬vjeçaren.