Që pas përfundimit të Big Brother Vip Albania, marrëdhënia mes Krist Aliaj dhe Dea Mishel u pa si më tepër se sa thjesht miqësi. Edhe pse dyshja asnjëherë nuk e pranuan dhe as nuk e mohuan, veprimet dhe afrimiteti i tyre shtonte vazhdimisht dyshimet.
E si për t’i shtuar akoma më shumë benzinë zjarrit, postimi i djeshëm i Deas për Kristin, shoqëruar me komentin e Ronaldo Sharkës, u duk se vendosi “pikat mbi i”. Nëse ende nuk jeni në brendësi të situatës, e gjeni këtu.
E pasi bënë lëmsh rrjetin e thanë fjalët më të ëmbla për njëri-tjetrin, Kristi dhe Dea kanë reaguar sërish. Ishte Kristi ai që vendosi të sqarojë i pari situatën duke theksuar se blogeren e ka vetëm mikeshë e madje është në një marrëdhënie me dikë tjetër.
Të njëjtin postim e ka ri-shpërndarë edhe Dea në Instagramin e saj, duke shkruar edhe ajo disa fjalë. Dea sqaron se Kristi i është kthyer në një mik të vërtetë dhe nuk ka asgjë më tepër mes tyre. Madje ajo habitet se si njerëzit nuk e kuptojnë këtë. (Edhe pse në fakt në cdo postim që ka qarkulluar nga ditëlindja e Kristit, vajza më e afërt me të, dukej Dea, dhe në këtë pikë pak vështirë për ta kuptuar..por nejse).