Mbrëmjen e djeshme është trasnmetuar në “Top Channel” puntata e festave të nëntorit për “Shiko kush luan”. Një prej të ftuarave speciale ishte dhe këngëtarja e njohur, Besa Kokëdhima. Posaçërisht për të, stafi i “Shiko kush Luan” kishin krijuar sfidën “Ëngjëll apo djall”, ku Besa s’mund t’i shpëtonte një pyetjeje rreth babait të saj.

Këngëtares iu kërkua t’i bënte publikisht një kritikë babait të saj, Koço Kokëdhimës dhe Besa nuk ngurroi me përgjigjen: “Duhet t’i shprehi gjërat më thjeshtë që ta kuptojnë të gjithë”, përfundoi ajo. Kujtojmë se Besa është një nga ‘fanset’ më të mëdha të babait të saj dhe e mbështet atë në çdo moment.