Kryebashkiaku i Kurbinit, që në formularët e dekriminalizimit ka raporuar se ka përdorur katër emra ka sqaruar se si dhe përse ka përdorur kaq shumë. Ai tregon se ka nisur ti ndryshojë emrat që prej viti 1992-1993, kur ishte emrigrant në Itali. Aktualisht ai mban emrin Artur Bardhi dhe në një intervistë për Panorama ka theksuar se Itali është ndaluar disa herë nga policia për çështje dokumentacioni dhe ka dhënë identitete të rreme. Kreu i Bashkisë së Kurbinit sqaron se historia e tij është e njëjtë me atë të shumë shqiptarëve që kanë emigruar në vitet 1990, kur për mungesë të dokumentacionit janë detyruar të jepnin emra të tjerë për të mos u kthyer në Shqipëri. E se kur i ka dhënë ato emra ka qenë vetëm 18 vjeç.