Kryeministri Rama ka hedhur poshtë lajmet që flasin për nisjen e procedimit penal për 25 pjesëmarrësit në protestën e studentëve ndër ta edhe pedagogu Edmond Tupja e këngëtari Robert Aliaj. I ftuar në studion e “Opinion”, Rama tha se është shpifje, pasi ka patur një njoftim të Policisë së Shtetit për procedim ndaj protestuesve studentë. Rama tha në emisionin “Opinion” se ka qenë vetëm një raport, dhe Ministri i Brendshëm tashmë ka urdhëruar hetim administrativ për faktin se policia e shtetit nuk ka dalë të përgënjeshtrojë lajmin. Por analistët e ftuar në studio i thanë kryeministrit se e kanë njoftimin.