Kryeministri Edi Rama ka vijuar me traditën e urimit të mëngjesit për shqiptarët me pamje nga qytete apo zona që kanë marr një pamje të re gjatë qeverisjes së socialistëve. Sot ai ka zgjedhur të reklamojë “Rilindjen” e Belshit, qytezës së qarkut Elbasan. “Mirëmëngjes dhe me këto pamje nga Belshi i rilindur, ju uroj një të diel të qetë”-shkruan kreu i kabinetit qeveritar. Komentuesit kanë nxituar të urojnë qeverinë Rama për punën e bërë, ndërsa nuk kanë munguar edhe kritikat e ndjekësve, e sidomos ato të zonave bregdetare që kërkojnë më shumë vëmendje dhe investime nga shteti për këto zona.