Kryeminsitrja e Serbisë Ana Brnabiç ka reaguar në lidhje me çështjen e kufijve. Për gazetën‘Blic’ ajo ka thënë se çështja e Kosovës nuk duhet të keqpërdoret politikisht.

“Gjetja e zgjidhjes për normalizimin afatgjatë Beograd – Prishtinë padyshim se është çështja politike më e rëndësishme për të ardhmen e vendit tonë. Është momenti që të dalim nga konflikti i ngrirë lidhur me çështjen e Kosovës dhe të nisim rrugën që e kanë filluar kombet që zgjidhin probleme dhe kështu bëhen fitimtarë ”, po thënë Brnabiç.

Ajo gjithashtu i ka ftuar të gjithë aktorët e jetës publike dhe qytetarët të tregohen të përgjegjshme dhe të mbështetin Vuçiç në përpjekjet e tij për ta zgjidhur çështjen për të ardhmen e vendit.