Kështu,mbrëmjen e kaluar teksa u zhvillua festivali Top Music Awards, u shoqërua edhe me incidente. Njëri  ishte mes moderatorit Ledion Liço dhe reperit  Noizy i cili  braktisi festivalin në momentin e fundit  dhe iu përgjigj mjaft rëndë ironisë së Liços. Teksa ky i fundit tha se Noizy rrinte me ferrarin e shokëve, reperi  e quajti atë gay. Por ka ndodhur  edhe një  tjetër  sherr mes gazetarit  Vlorijan Halili dhe menaxherit të On Records, Mehmet Elshani. Flitet se ky i fundit, ka grushtuar gazetarin e Klan Kosova ,  Halilin.

E gjithë ngjarja ka ndodhur në zonën e Laprakës ku grupi i xhirimit të “Klan Kosova” ishin vendosur për të mbuluar ceremoninë. Rreth orës 2 pas mesante, gazetari është sulmuar fizikisht duke u qëlluar me grushta nga menaxheri i Kidës dhe i reperit Mozzik, Mehmet Elshani.

Shkak për këtë ngjarje mendohet të ketë qenë artikulli i “Prive.al” ku shkruhej se prezantuesit e tapetit të kuq të “Top Awards” nuk i njihnin këngëtarë e On Records.  Sipas tyre  Xhemi Shehu nuk  ia ka patur as idenë më të vogël për emrat e reperave. Duket se Elshani nuk e ka kapërdirë dot këtë raportim ndaj edhee ka vepruar në këtë mënyrë. I pranishëm në ngjarje ka qenë edhe Getinjo dhe siç shihet edhe në padinë e bërë nga gazetari, ai pretendon se është goditur me grushta. Mbetet për t’u parë se deri ku do të  shkojë çështja.