Enkel Demi ka bërë një analizë të thelluar lidhur mbi ngjarjen e rëndë që u publikua një ditë më parë, ku ish kryetari i Bashkisë së Dibrës Shukri Xhelili ishte pjesë e një skandali seksual.
Më poshtë shkrimin e plotë të Enkel Demit:
“Pas videos që publikoi Ylli Rakipi në Ora News, të shumtë do të kenë qenë ata që kanë thënë: “Shyqyr nuk isha unë”. Një tjetër zyrtar u bë i njohur në Shqipëri për punë brekësh, veçanërisht kur i ka me birë. Të tjerë do e kenë kaluar pa gjumë, sepse asnjëherë nuk i dihet në botën e sotme, ku telefoni veç për të folur nuk përdoret më.
Në fakt, as nuk dëshiroj ta sjell në mend se në cilin hall është shtënë kryetari i Peshkopisë. Më shumë se për të, familja e tij do të kalojë në një kalvar turpi, vetëm pse i pari i shtëpisë ka dashur të bëjë më të bukrin e shpendve. Mashkulli është një qënie instiktive, ku racionalitetin duhet ta vërë në punë me vullnet, ndërsa moralin me bindje dhe besim. Një njeri i mençur më thoshte dikur se mashkulli ka hise me qenin. Tek sheh fakte të tilla që të ngjallin krupën mendoj se ai që ma thoshte ka të drejtë. Qeni e kërkon atë plaçkë tëpkë kështu, robi duhet të zotërojë tundimin.
Jam i sigurtë që gjatë këtyre orëve në rrjetet sociale ia kanë bërë gjyqin zotërisë me të mbathura e padyshim vajzës që e shtiu në kurth. Por, nuk duhet të fshihemi pas gishtit, sepse ka plot të tjerë, të cilët po t’i rreshtosh krijojnë një ushtri që si thotë Bleona as nuk dinë me ta lyp. A nuk doli një vajzë në televizion dhe na rrëfehu historinë se si shkon me një deputet të Kosovës, të martuar? Ky i fundit i ka blerë banesë në Tiranë, i përgjigjet çikës, edhe që ajo të shndërrohet në një kukull fëq-fëq. Ky deputeti që po e mbajmë edhe për burrë zotni ka ndonjë ndryshim nga ai i motelit? Një tjetër modele me emër e mbiemër doli dje, duke rrëfyer se edhe ajo bënte jetë paralele me një deputet me unazë në gisht, po të Kosovës. Këta të Prishtinës po kontribuojnë më shumë si aktorë porno për portalet, se të bëjnë ligje për atdheun.
Po në media sa raste ka që gazetaret i heqin nga puna se nuk ja kanë dhënë redaktorit, kryeredaktorit apo drejtorit? Sa raste ka që vajza pa kurrfarë domethënie janë promovuar në televizion, spektakle, studio debati, por edhe politikë, vetëm se kanë thyer mikrofonat e moderatorëve me nam?
Sa pasunarëve nuk u del gruaja që kanë te shtëpia, ndaj kanë dhe një dashnore? Sa sipërmarrës ka që nuk u del gruaja te shtëpia, dashnorja dhe zënë një të tretë? Ngjan si loja e kungulleshkave.
Kjo lloj jete është futur në vlerat tona, përditshmërinë. Dikush i thoshte Lencit, një shokut tim, që po ta kishte dhe gruan në punë, do e kishte zënë një dashnore, se i dilte llogaria, ndaj o Lenc a njeh njeri ta fusim gruan e tij në punë? Çështja është se po e futëm mos ia kërkojnë edhe asaj e bëhet lëmsh, rrjetë merimangash. Kështu, shumë lëshuan psherëtimën: “Shyqyr që nuk isha unë”, por janë t’u prit’ rradhën se Ylli ka emision çdo javë.