Moti në zonat bregdetare pritet të përkeqësohet. Drejtoria e Përgjithshme Detare ka njoftuar se gjatë ditës së sotme dhe të nesërme, do të ketë erë të fortë pranë bregdetit. Sipas njoftimit bregdeti ynë do të përfshihet nga era me drejtim jug-lindje dhe për pasojë forca e detit do të jetë 7 shkalla Boufort.

Drejtoria Detare ka kërkuar bashkëpunimin e të gjithë subjekteve që ushtrojnë veprimtari në fushën e detarisë, për të marre të gjitha masat e nevojshme për sigurimin e mjeteve në port dhe rritje e gatishmërisë së ekuipazhit në mjetet lundruese.
Njoftimi bëhet me qëllim parandalimin e çdo situate të papritur për shkak të kushteve atmosferike.