Ka nisur me një trofe për Tiranën edicioni i futbollistik në Shqipëri për këtë vit. Bardheblutë treguan që janë ende kockë e fortë duke mposhtur Kukësin në finalen e Superkupës së Shqipërisë edhe pse këtë sezon do të militojnë në Kategorinë e Parë. Përsa i përket ndeshjes, ajo u dominua totalisht nga Tirana.

Pjesa e parë flet tërësisht për bardheblutë të cilët nuk arrijnë të konkretizojnë aksionet që rrjedhin njëra-pas tjetrës. Fillimisht Celhaka humb një rast të artë dhe më pas topi i Grecës ndalet nga shtylla. Në këtë fraksion loje Ylli Shameti detyrohet të lërë skuadrën me 10 lojtarë, pasi ndëshkohet me të kuq. Edhe pjesa e dytë flet për bardheblutë, por këtë fraksion loje është Enea Koliçi që nuk lejon Tiranën të shënojë. Duhej të vinte minuta e 89-të që portieri i Kukësit të mposhtej dhe është Erion Hoxhallari i cili shënon një supergol duke i dhënë bardhebluve trofeun e Superkupës së Shqipërisë.