Arbana Osmani është një ndër moderatoret më të mira shqiptare e cila prej shumë vitesh drejton emisione të ndryshme televizive. Ajo është në pritje të ëmbël dhe shumë shpejt pritet të bëhet sërish nënë, prandaj është aluduar se nuk do të jetë pjesë e ekranit në sezonin e ri televiziv.

Mirëpo lidhur me këtë ka folur vetë moderatorja e cila ka sqaruar se çfarë do të ndodhë me emisionin “Dua të të bëj të lumtur”, por edhe “Big Brother”. Me anë të një reagimi në instagram, Arbana ka shkruar se "Dua të të bëj të lumtur" do të rikthehet në Janar 2021 ndërsa aplikimet për t'u bërë pjesë hapen në shtator.

Sigurisht që janë të shumtë fansat që duan ta shohin sërish në Big Brother dhe jo rrallë herë e pyetin për këtë reality shoë, mirëpo as vetë Arbana nuk e di se kur do të fillojë ky spektakël.

"Nuk e diiiii kur fillon Big Brother, sapo ta marr vesh ju do jeni te paret qe do jua them", -ka shkruar moderatorja në Instagram.