Dhe kur flasim për diçka të tillë ku mund të na vejë më mirë mendja se tek një nga femrat më seksi në planet si Kim Kardashian e cila me KKW Beauty ka arritur të gjenerojë miliona dollarë fitime.

Por jo vetëm Kim K tani linjës së shitjeve të produkteve të bukurisë i është futur edhe mbretëresha e muzikës Pop, Madonna e cila ka promovuar linjën e saj të bukurisë "MDNA Skin" së bashku me Kim Kardashian. Ato u bashkuan të martën në “YouTube Space” në Los Anxhelos për të promovuar linjat e tyre përkatëse të bukurisë, “MDNA Skin” dhe “KKW Beauty”.

Ka qenë pikërisht diva e pop-it, 59-vjeçarja Madona e cila ka postuar në Instagram një foto ku shkruan: “Kur botët përplasen”.

Edhe Kim ka pushtuar rrjetin me fotot e postuara në Instastories dhe mesa duket të dyja divat duket të jenë të lumtura pranë njëra-tjetrës.

Ndoshta ku i dihet do të kemi edhe ndonjë bashkëpunim për produktet e bukurisë mes divash. Diçka e madhe sipas gjasave po vjen.