Bashkëshortja e Presidentit të SHBA-së, Melania Trump do të marrë një masë drastike në Shtëpinë e Bardhë. Ajo është vënë në qendër të vëmendjes për shkak të kërkesës të saj për shkarkimin e një ndihmëseje të lartë të sigurisë kombëtare.
Zonja e Parë e Amerikës është grindur me Mira Ricardel, gjatë turneut të zhvilluar në Afrikë në muajin tetor.
Zëdhënësja e saj tha se Melania mendon që Ricardel nuk e meriton më që të ketë nderin të shërbejë në Shtëpinë e Bardhë. As nga kjo e fundit e as nga Këshilli i Sigurisë Kombëtare nuk ka pasur deri tani ndonjë koment mbi çështjen. Po a do të ndodhë shkarkimi? Kjo do të shihet në vijim.