Nuk është hera e parë që përpjekjet e njerëzve për të bërë një selfie të bukur, kanë përfunduar në tragjedi. Një rast i tillë ka ndodhur në Kinë, ku sipas mediave vendase, ngjarja ka ndodhur më 9 prill por fotot janë publikuar ditën e sotme.

Një turist ka kapur momentin e frikshëm, kur një vajzë është përplasur nga treni teksa ajo bënte një “selfie”. Vajza ishte pjesë e një grupi turistësh që më 9 prill vizituan kopshtet me trëndafila në fshatin Liantang, që çdo vit tërheq mijëra turistë në këtë periudhë.

Dëshmitarët janë shprehur se vajza dëshironte të bënte një foto ku të kishte edhe trenin pas. Pavarësisht se treni nuk po jepte asnjë shenjë ndalimi, 19-vjeçarja u afrua afër shinave për të realizuar foton.

19-vjeçarja ka injoruar alarmin e trenit dhe thirrjet e miqve të saj për t’u larguar më shumë dhe vizitorët e tjerë u kthyen padashje në dëshmitarë të një horrori.