Parlamenti ka njoftuar Komisionin Qendror të Zhgjedhjeve për vakancën në Kuvend, pasi deputeti
Saimir Tahiri ka dhënë dorëheqjen duke e lënë mandatin.
Emri i parë që vjen në listën socialiste si zëvendësues i Tahirit, është ai i Spartak Brahos, aktualisht këshilltar i kryeministrit Edi Rama.
Tahiri dha dorëheqjen katër ditë më parë, duke bërë të ditur se në këtë mënyrë do t’ia lehtësonte punën drejtësisë që të bënte të sajën, në kuadër të hetimit ndaj tij, për dyshimet se mund të jetë i përfshirë me bandën e ''Habilajve'', në kuadër të trafikut ndërkombëtar të lëndëve narkotike.
Ish-ministri i Brendshëm ishte zgjedhur nga listat e Partisë Socialiste si deputet, por më pas kishte dalë i pavarur, pas një vendimi të mazhorancës parlamentare për ta përjashtuar nga grupi i saj.
20 Dec 2024 
