Një dyshe artistësh fare e pazakontë është shfaqur në thellësite e Instagram. As më shumë e as më pak se këngëtarja jonë bukuroshe Dua Lipa me britanikun zemërthyes Harry Styles. Në një postim të përpara dy viteve këngëtarja tashmë shumë e suksesshme ka publikuar një video në të cilën po shoqërohet me yllin e One Direction. Tani ndoshta nuk është ndonjë çudi, por atëherë Dua nuk gëzonte as famën dhe as suksesin që ka sot. Të qeshur në makinë ata duket se po ia kalojnë shumë mirë duke shpenzuar kohë së bashku. Video është realizuar nga Harry për të përshëndetur motrën e Duas, Rina Lipa.

Në atë kohë Harry dhe Dua duken se ishin miq të mirë, por nuk kishim dëgjuar asgjë për këtë fakt më parë. Mos ka ndodhur gjë mes dy këngëtarëve apo janë thjesht impenjimet që nuk u lënë më kohë për të kaluar së bashku? Apo thjesht ia kaluan mirë vetëm për pak kohë dhe më pas kthyen faqe? Duke njohur famën e britanikut 23 vjeçar si Don Zhuan i pandreqshëm, gjithçka është e mundur.

Si do që të jetë artistja 20 vjeçare nuk do bënte aspak keq ta ri-takonte, ndoshta për të realizuar ndonjë bashkëpunim. Me njohjen që po merr nëpër botë nga mbështetja e MTV nuk do ishte dhe aq e vështirë për të bindur Harry-n.