Luana Vjollca është një ndër moderatoret më të mira shqiptare dhe shumë e dashur për publikun. Kjo shihet fare qartë edhe në Instagramin e saj ku numëron miliona ndjekës me të cilët qëndron gjithmonë në kontakt dhe i mban të përditësuar me foto e video të ndryshme si nga përditshmëria ashtu edhe nga profesioni.

Së fundmi Luana ka sjellë këngën “Mos bjondinë me sytë e zi” në një “remake” me grupin legjendar TNT dhe po rezulton shumë e suksesshme. Në këtë intervistë ajo u shpreh se po mendon seriozisht ta heqë lojën “Ndaje ose haje” nga program i saj sepse është lodhur nga të ftuarit të cilët i kërkojnë t’ia fshijë pyetjet.

“Ajo lojë është e tmerrshme. Pasi mbarojmë, vijnë më thonë: “Sa e mirë je, sa e bukur je. Shikoje pak atë pyetjen.” Ajo tregoi gjithashtu se ftesa e saj nuk është refuzuar kurrë nga asnjë i ftuar, madje se ka nga ata që i shkruajnë për të qenë të ftuar në emision.