Interesi më i madh është i drejtuar tek seanca e pasditës, ku do të zgjidhet kryetari i ri i Kuvendit, post për të cilin deri tani qëndron vetëm propozimi për Gramoz Ruçin. Seanca e paradites, që hapet nga deputeti socialist Besnik Bare, do të caktojë 3 deputetët më të rinj të kuvendit si sekretarët e tij të përkohshëm deri në ngritjen e Byrosë. Lapsi.al bën me dije se Kuvendi do të zgjedhë edhe Këshillin e Përkohshëm të Verifikimit të Mandateve, që do të përbëhet nga 9 deputetë, me detyrën për të shqyrtuar dokumentacionin e çdo deputeti. Deputetët që do të përbëjnë këtë Këshill propozohen nga grupet parlamentare dhe zgjidhen me 71 vota.