Prej ditësh po përflitet se Donaldi dhe Trixa nuk janë më bashkë. Krisja e marrëdhënies së tyre nisi që kur Beatrix refuzoi të bëhej pjesë e darkës me ish-banorët për shkak të hatërmbetjes nga disa batuta, veprim i cili nuk u prit aspak mirë nga aktori.
Pas finales, ata nuk janë parë më bashkë. Madje në festën që kishte organizuar Top Channel, Donaldi e Trixa kanë qëndruar larg.
Ndarjen duket se e konfirmoi edhe vetë këngëtarja me një postim në instastory ku shkruante "Histori fallco" e duke hequr Donaldin nga Instagrami.
Ndërkohë aktori nuk e kishte hequr Trixën nga Instagrami i tij dhe kjo la shpresë tek fansat e dyshes se ata mund të ishin bashkë.
Megjithatë sot Donaldi i ka dhënë goditjen përfundimtare lidhjes së tyre duke e hequr dhe ai Trixën nga Instagrami e duke shuar shpresat e fansave, të cilët donin t'i shihnin bashkë e që sigurisht nuk u ka pëlqyer ky veprim.