Mos vallë Kylie Jenner e ka ndërmend të blejë të gjithë “Hidden Hills” përpara se ajo të bëjë 20 vjeç? Bukuroshja e familjes Kardashian, që nga muaji qershor ka blerë një rezidencë prej 6 milion $ dhe një shtëpi prej 4.5 milion $ në të njejtën lagje. Mesa duket këto nuk mjaftojnë për Kylie, pasi së fundmi ajo ka blerë një rezidencë prej 12 milion dollarësh, duke shtuar edhe një tjetër perlë të zonës “Hidden Hills”në portofolin e saj të pasurive të patundshme.

Sipërfaqja e saj është rreth 4 mijë metër katror, në të cilën ndodhen 8 dhoma gjumi, 11 tualete , teatër, dhomë për lojëra, pishinë, dhomë masazhi. Mirëpo nuk është e sigurtë të themi që Kylie do të ndihet super nëse zgjedh të jetojë në këtë shtëpi....ose ndoshta përkohësisht. 19 vjeçarja e ka kaluar mbrëmjen e së shtunës vetëm me qenushin e saj, në një shtëpi kaq të madhe.

Ajo ka bërë postime të njëpasnjëshme në Snapchat si një përpjekje për të mbushur kohën dhe ato dhoma të zbrazëta, ndërkohë që “qante” për ata që e kishin lënë vetëm.