Transformimi gradual i Kylie Jenner në një klon të Kim Kardashian, ka arritur një nivel të ri. Ashtu si të gjitha femrat e familjes Kardashian-Jenner, kudo që kalon Kylie tërheq vëmendjen e të gjithëve, por të pranishmëve u bëri përshtypje diçka kur 19 vjeçarja ishte në New York të mërkurën, pasi ajo dukej si e motra Kim Kardashian. Kjo e fundit për një periudhë të shkurtër vitin e kaluar ishte bjonde, dhe motra e saj e vogël ka vendosur ta provojë këtë look të ri për javën e modës në New York.

Krahas flokëve, Kylie duket sikur ka ndjekur gjurmët e modës së Kim për zgjedhjen e veshjes së saj. Ajo ka veshur një bodysuit të bardhë ngjitur pas trupi, ku bien në pah linjat perfekte. Ndërkohë që mbi shpatulla ka hedhur një pallto dhe mbante syze pothuajse si të bashkëshortes së Kanye West.