Dje lajmi që Kylie Jenner është shtatzënë erdhi si “bombë” dhe do të gënjenim nëse nuk do pranonim që u habitëm. Mediat e njohura ndërkombëtare si “Daily Mail” dhe “TMZ” kanë shkruar se çifti tashmë e ka ndarë lajmin e ëmbël me familjen dhe ajo është në muajin e katërt të shtatzënisë, prej së cilës pritet të vijë në jetë një vajzë. Duke qenë se babai i fëmijës thuhet të jetë Travis Scott, me të cilin është në lidhje prej muajit Prill, shumë njerëz mendonin se Tyga do ndihej i dëshpëruar nga ky lajm, por e vërteta qëndron ndryshe.

Sajti i njohur “TMZ” ka ndaluar në rrugë reperin dhe ai nuk dha as shenjën më të vogël se është “i prekuri” nga këto lajme për shtatzëninë e ish të dashurës së tij, Kylie. Në internet qarkulloi një foto e marrë nga Snapchat, ku në një screenshot të një lajmi për shtatzëninë e Kylie, Tyga shkroi: “Ai është fëmija im”, por për “TMZ”, reperi ka qeshur dhe ka thënë se ajo foto është postuar nga një adresë e rremë.