Nuk është e lehtë, por Tyga duket se e  gjeti përgjigjen: Një set dhëmbësh prej diamanti! Kylie Jenner nxorri në pah dhëmbët e rinj fringo prej diamanti nëpërmjet një fotoje të ndarë në rrjetet sociale nga i dashuri i saj reper. Bukuroshja 18 vjeçare ishte shfaqur edhe më parë me një aksesor të ngjashëm, por pak më modest duke marrë parasysh se herën e parë ishte “thjesht” prej ari.

Artisti 26 vjeçar, i njohur për ekstravagancë në pamje, duket se ishte ai që i shtoi pak më tepër “luks” të dashurës së tij. Nuk habitemi për këtë zgjedhje të Tyga, pasi ai është shfaqur shpeshherë më parë me aksesorë të tillë, veçanërisht në videoklipe, por tashmë i ka dhënë edhe Kylie-t një imazh pak më hip hop. Dhe, në kombinim me paruken e saj rozë, na duhet të themi se nuk ngjan aspak keq.

Megjithatë nuk kalon pa u vënë re fakti se kjo foto erdhi vetëm një ditë pasi doli lajmi i dhuratës super të shtrenjtë që Rob Kardashian i bëri Blac Chynas për Shën Valentin. Dhe në mënyrë fare të pafajshme rastis që edhe ajo dhuratë ishte e mbuluar në diamante. Mos është kjo një lloj sfide në largësi mes dy vajzave? Shumë të papjekura? Epo, Kylie justifikohet se është vetëm 18 vjeç. Të tjerët pastaj...