Revista e njohur italiane L'Espresso në numrin e saj të fundit ka trajtuar aktivitetin e bandave kriminale të ardhura nga Europa Lindore që veprojnë në territorin italian.
Mes tyre me një rol mjaft të fuqishëm e të rrezikshëm konsiderohen grupet kriminale shqiptare që merren me grabitjen e vilave dhe apartamenteve luksoze.
Pak ditë më parë është grabitur dhe apartamenti i prindërve të ministrit të brendshëm Matteo Salvini. Gjatë orëve të fundit policia italiane, ka arrestuar autorët e kësaj grabitje, me nofkën "rusët". Për revistën italiane, në biznesin mjaft fitimprurërës të grabitjeve, pas gjeorgjianëve renditen grupet kriminale shqiptare.
"Biznesi fitimprurës nga grabitjet i gjeorgjianëve ndahet me kumbarët (padrinët) e Tiranës", shkruan l'Espresso. "Mafia shqiptare për momentin konsiderohet kupola e huaj më e fuqishme dhe më e rrënjosur në Itali."

Së bashku me trafikimin e drogës, trafikun e qënieve njerëzore, së fundmi ajo merret dhe me grabitje kryesisht në territorin verior e qendror të Italisë.
Jo rastësisht shkruhet në artikull, grabitësit që janë pjesë e organizatave kriniale shqiptare kanë lidhje gjaku mes tyre. Pak kohë më parë në qytetin e Ternit u shaktërrua një bandë grabitësish e përbërë vetëm nga vëllezër e kushërinj."
"Ata veprojnë në grupe të vogla, jo të lidhura mes tyre", ka deklaruar për l'Espresso nënkoloneli i Departametit të Antimafias Marcello Manca. "Jo rrallë për shkak të të ardhurave të larta, tërheqin vëmëndjen e familjeve të fuqishme që përpiqen t'i fusin nën kontrollin e tyre."
Fuqia e madhe ekonomike i lejon këto banda grabitësish të përdorin pajisje nga më modernet. Grabitësit shqiptarë nuk përdorin kurrë telefona celularë, por transmetues të fuqishëm thuhet në këtë shkrim të l'Espresso.