Artistja kontroversiale performoi në skenën e çmimeve Oscar së bashku me 50 persona të abuzuar seksualisht, këngën që i dedikohet kësaj problematike “Til It Happens To You”. Duket se lidhja e krijuar nga viktimat e të njëjtit abuzim nuk përfundoi aty, pasi të gjithë ata, së bashku me Gagan kanë bërë tatuazhe të ngjashëm në nderim të kësaj performance. Ky nuk është gjë tjetër veçse një premtim i mbajtur nga këngëtarja 29 vjeçare, e cila e kishte shfaqur këtë ide para ndarjes së çmimeve Oscar.

Tatuazhet janë bërë publike nëpërmjet faqes së Twitter të njërës prej performuesve. Imazhi i përjetësuar në lëkurë është i ngjashëm për të gjithë ata, vetëm se secili ka zgjedhur një vend të ndryshëm nga tjetri në trup ku e ka vendosur atë. Lady Gaga e bëri tatuazhin e saj në në shpatull, ku përkrah tatuazheve të tjera, duhet thënë se nuk ngjantë aspak keq. jo se kishim dyshime...