Familja Kardashian do të bëhet edhe më e madhe me ardhjen në jetë të fëmijës së Rob Kardashian dhe Blac Chyna. Mirëpo mesa duket nuk do të jetë vetëm fëmija i tyre ai që do të zgjerojë familjen më të madhe të botës së showbiz-it. Sipas disa thashethemeve që po qarkullojnë së fundmi, pjesë e familjes Kardashian janë edhe dy persona të tjerë, një djalë dhe një vajzë. Është pikërisht një nga miqtë e afërt të familjes që është shprehur për “Radar Online”: “Një vajzë nga Los Angeles dhe një djalë nga New York pretendojnë të jenë fëmijët e Robert Kardashian dhe kjo gjë ka tronditur të gjithë familjen”.

“Nëse këto pretendime vërtetohen, këta fëmijë mendohen të kenë ardhur në jetë pas ndarjes së Robert nga Kris Jenner por pavarësishët kësaj, për të cilën Kris mendon se janë thjesht thashetheme si në rastin e Emilia Morales,  familja po kalon një periudhë të tmerrshme”.

Robert, i cili është babai i Kim, Khloe, Kourtney dhe Rob, ka qënë i martuar me Kris Jenner nga viti 1978 deri në 1991.