Sinoptikane Tanja Porja në një lidhje telefonike me News 24 dha parashikimin e motit për ditët në vijim. Sipas sinoptikanes reshjet me më intensitet të lartë e mesatar do të vijojnë deri në mesnatë, kryesisht në zonat jugore.

Pritet që pas mesnate reshjet të pakësohen në pjesën më të madhe të vendit. Moti kthjellohet nga dita e martë.

“Edhe pak orë deri në mesnatë do të ketë reshje me intensitet të lartë e mesatar në zonat jugore. Reshje do të ketë në kufirin juglindor, pas mesnate nga ora 2-3 pritet reshjet të pakësohen në pjesën më të madhe të jugut.

Në orët e para të mëngjesit, zonat jugore do kenë reshje të pakta. Veriu do ketë reshje më të pakta të pa konsiderueshme në krahasim

Në mesnatën e së shtunës dhe të dielën në mëngjes, do ketë shtim të reshjesh në pjesën qendrore e jugore, kurse më pak do ketë në veri.

Dita e hënë sjell stabilizim të kushteve të motit, nga e marta në të enjte moti do jetë i kthjellët dhe do ketë ulje të temperaturave,” tha sinoptikania.

Temperaturat

Kemi pasur ulje me 2 ose 3 gradë në ditën e sotme, ndryshe nga këto ditë që kaluan. Të dielën do ketë ulje graduale dhe kur të kthjellohet moti të martën, presim temperaturat të zbresin nën 0 në zonat malore, priten reshje dëbore.

Kemi një fuqizim të reshjeve të dëborës kryesisht në verilindje gjatë të dielës.