Arrestohet gardisti pasi dyshohet se ka vrarë me armën e shërbimnit gruan e tij, Ngjarja e rëndë ka ndodhur mëngjesin e sotëm në banesën e tyre në Allias.
Policia bën me dije se në pranga u vu A. A., 44 vjeç (punonjës në Gardën e Republikës).
“Ai dyshohet se ka vrarë me armën e shërbimit bashkëshorten, 36 vjeçe”- njofton policia.
Informacioni paraprak
Shërbimet e Policisë të Komisariatit Nr.5, në bashkëpunim me SHÇBA arrestuan në flagrancë shtetasin A. A., 44 vjeç (punonjës në Gardën e Republikës).
Rreth orës 06:00 të mëngjesit, në banesën e tij në Allias, ai dyshohet se ka vrarë me armën e shërbimit bashkëshorten, 36 vjeçe.
Materialet iu referuan për veprime të mëtejshme Prokurorisë së Rrethit Gjyqësor Tiranë për veprën penale “Vrasje për shkak të marrëdhënieve familjare”.
28 Mar 2025 
