Në orën 22:00 të së martës, Lana Del Rey ka publikuar në kanalin e saj VEVO, klipin e ri "Freak". Një video me regji të vetë këngëtares, e cila e shfaq atë përkrah aktorit Father John Misty në rolin e të dashurit. Në video gjithashtu vihet re edhe risjella e vajzave të klipit "Music To Watch Boys To", në rolin e femrave me të cilat Father John Misty përmbush fantazitë e tij seksuale, jashtë lidhjes me Del Rey. "Freak" është e gjatë pothuajse 11 minuta, e megjithatë kjo nuk përbën ndonjë surprizë kur flasim për punët e Lana Del Rey, përkundrazi. Sa i përket këngës ajo është një ndër singëllat e rradhës shkëputur nga albumi "Honeymoon"!