Si pasojë e neglizhimit të vaksinimit një numër i madh fëmijësh të komunitetit rom janë prekur nga virozat e këtij sezoni, por për të mos mjaftuar më kaq,  një pjesë e madhe e tyre janë prekur edhe nga fruthi.

Ditën e sotshme Ministria e Shendetësisë, ka marrë një aksion nga zona e Lanabregasit për vaksinimin e fëmijëve të këtij komuniteti. Nga informacionet e marra, 25 fëmijë nuk janë vaksinuar kurrë, ndërsa 130 të tjerë ishin vaksinuar pjesërisht.

Të gjithë fëmijët që nuk ishin vaksinuar, iu nënshtruan vaksinimit sipas kalendarit të detyruar që përmban 11 vaskina. Këtyre fëmijëve gjithashtu iu hapën edhe kartela në qendrën shëndetësore të zonës.

Ky aksion do të vazhdojë edhe në zonat e tjera të vendit.