Dy fëmijë, minorene, të moshës 11 dhe 13 vjeç, janë larguar nga banesa e tyre në Kamëz, Tiranë. Këtë ngjarje e ka bërë të ditur për policinë gjyshi i tyre ditën e djeshme.

Mësohet se i moshuari me inicialet N.S, banues në Kamëz, ka kallëzuar në Polici se i janë larguar nga banesa dy nipërit e mitur, me inicialet S.S dhe E.S, respektivisht 13 e 11 vjeç.

Policia ka nisur menjëherë punën për gjetjen e tyre, ndërkohë ka referuar materialet në Prokurorinë e Tiranës për veprime të mëtejshme.