Ata kanë shkuar në 2 të natës në hotelin ku Paul Baccaglini po flinte dhe e kanë zgjuar për t’i bërë një surprizë të veçantë. Në fillim e pyetën nëse do të ishte i gatshëm që të bënte logon e Palermos tatuazh, pasi Baccaglini ishte fans i tatuazheve duke qenë se trupin e ka të mbushur me vizatime të tilla. Ai u përgjigj se Palermo ishte për të tatuazh në zemër, kështu që nuk do të kishte problem edhe sikur ta bënte vërtetë. Dhe kur në derë të trokasin Le Iene duhet të mendohesh mirë përpara se të bësh një premtim. “Rastisi” që në hotel gjendej një tatuator dhe ata e sollën menjëherë lart për ta bërë presidentin të mbante fjalën që sapo dha në çast. Kështu në orën 3 të natës Baccaglini e gjeti veten me një tatuazh të ri, logon e vjetër të skuadrës së Palermos. Edhe në rast se do të dojë të heqë dorë nga ekipi në të ardhmen, nuk do ta bëjë dot kurrë plotësisht.