Datat 21 dhe 23 dhejtor shënojnë edhe çeljen e siparit të Festivalit të 55-të të Këngës në RTSH. Pas përzgjedhjes së 24 këngëtarëve  pjesëmarrës në këtë kompeticion, janë zbuluar edhe dy prezantuesit.

Bëhet fjalë për Kasem Hoxha, aktori shqiptar që jeton prej shumë kohësh në Gjermani  i cili ka luajtur edhe në filmin “Alive” të Artan Minarollit , si dhe emër i njohur në kinematografinë gjermane.

Ndërsa emri i dytë që do të jetë krah aktorit në prezantimin e festivalit, është këngëtarja e njohur Ledina Çelo e cila gjithashtu jeton në Gjermani. Pas një pauze të gjatë, pasi përfaqësoi vendin tonë në Eurosong, Ledina rikthehet në skenë në rolin e moderatores.