Pas shumë vitesh karrierë dhe gjashtë nominimesh për Oscar, më në fund Leonardo DiCaprio arrin të fitojë Oscarin e parë, për interpretimin si protagonist në filmin “The Revenant”. Gjatë fjalimit të tij, 41-vjeçari falenderoi të gjithë bashkëpuntorët e miqtë, por vendosi t'ia kushtonte pjesën më të madhe të kohës ndryshimeve klimatike që po sheh globi sot. Leo tha se nuk duhet ta marrim tokën për të mirëqënë ashtu siç ai nuk e merr për të mirëqënë çmimin me të cilin u nderua. Duhet bërë diçka për të mbrojtur jetët tona! Ne e përgëzojmë aktorin për fjalimin e dhënë dhe shpresojmë që ky Oscar të mos jetë i pari dhe i vetmi.