Një person i cili lëvizte me armë zjarri pa leje në Tiranë është arrestuar nga policia.

Në prangat e policisë ka rënë 31-vjeçari nga Tropoja, Bylbyl Halili, të cilit iu sekuestrua një armë zjarri tip pistoletë me 14 fishekë 9 mm. Ai udhëtonte me një automjet tip "Porsche".

Arrestimi i tij u bë i mundur pasi gjatë kontrollit të ushtruar në rrugën "Bardhyl" nga Skuadra Shigjeta rreth orës 14:30, në automjetin tip Porsche Panamera, me të cilin ky shtetas po lëvizte është gjetur një armë zjarri pistoletë e markës “Glock”, me një krehër me 14 (katërmbëdhjetë) copë fishekë kalibër 9 mm.

Sekuestrohen në cilësinë e provës materiale :

- Automjeti i markës Porsche Panamera.

- Pistoletë e markës “Glock”me një krehër me 14 (katërmbëdhjetë) copë fishek kalibër 9 mm.

- 2105 (dymijë e njëqind e pesë) euro.

- 55.500 lekë të reja.

- Një telefon i markës Blackberry.