Ai nuk e fsheh dëshirën e tij për të qenë një artist i suksesshëm pas nënshkrimit të kontratës solo me Capitol Records, ashtu siç asnjëherë nuk e fsheh dashurinë për të dashurën e tij Cheryl.

Liam Payne është duke punuar në një këngë dashurie për marrëdhënien e tij me Cheryl Fernandez-Versini. Por kjo nuk është e vetmja pjesë “e ëmbël”, pasi Payne dëshiron të bashkëpunojë me të dashurën e tij në këtë këngë të re.

"Liam Payne ështëshume i entuziasmuar  për karrierën e tij solo, dhe për këtë fakt i detyrohet shumë Cheryl që është suporti i tij më i madh . Ai ka shkruar shumë këngë, por ajo që ka më shumë përzemër është një këngë dashurie, për të cilën ai po punon dhe që flet për marrëdhënien e tij me Cheryl. Liam me të vërtetë dëshiron të bashkëpunojë me Cheryl për këngën”, është shprehur një burim i afërt me çiftin për Hollywoodlife.com

Është këngëtarja ajo që e ka binduar atë të fillojë karrierën si artist solo, pasi e ka parë potencialin e tij kur ajo ishte në jurinë e X-Factor. Me shumë mundësi duke parë mbështetjen shumë të madhe që po i jep Cheryl, kuptohet shumë qartë se pse Liam dëshiron ta përfshijë atë në albumin e tij të parë solo. Epo më shumë xheloz se kaq nuk mund të jemi!