Eshtë publikuar traileri i “Inferno” si pjesë e tretë e sagës pas “The Da Vinci Code” dhe “Angels and Demons”, një trailer që menjëherë ka bërë për vete internetin duke siguruar 1.6 milionë klikime në më pak se 24 orë. 10 vjet pasi debutoi në ekranet e mëdha të kinemasë, Langdon rikthehet për detyrën më të vështirë deri më sot. Atij do i duhet të zbulojë sekretet rreth poemës së Dantes, “Inferno”, për të parandaluar fatkeqësinë e radhës në tokë. E vendosur në Firence të Italisë kjo aventurë do ta gjejë aktorin Hanks përkrah britanikes Felicity Jones. Filmi publikohet më 28 tetor, kështu që bëhuni gati për të mbetur pa frymë.