Një vizitor, gjatë një vizite tek liqeni në Fushë Studën në zonën e Steblevës (Librazhd) ka kapur një objekt të pazakontë në aparatin e  tij fotografik. Teksa ka menduar se ka fotografuar thjesht bukuritë e liqenit, pasi është kthyer në shtëpi dhe ka parë fotot, ai ka vënë re se kishte fotografuar një objekt të çuditshëm mbi liqen.

"U ktheva në shtëpi, po shikoja fotot që kisha bërë me familjen tek liqeni në Fushe Studën, dhe vura re një objekt të çuditshëm, të cilin gjatë shkrepjes së foto nuk e pashë. E zmadhova foton dhe u tmerrova, dukej si fantazmat nëpër filmat e hollywood-it." ka thënë vizitori.

Drejori i Zonave të Mbrojtura ne zonën e Elbasanit, Fatmir Brazhda është shprehur se nuk ka asgjë për panik dhe se ajo mund të jetë një fotoshop, por banorët e zonës shprehen se e kanë parë me sytë e tyre atë gjë të çuditshme, fantazëm, e cila lëviz sa në një anë në tjetrën, ndërsa poshtë saj ata sigurojnë se ka dalë një banesë e vogël.

Legjendat për liqenin e Fushë Studnës nuk mungojnë, një prej tyre është që ai ruan një ekuilibër gjinor në jetët e njerzve që merr, thonin më të vjetrit. Fatkeqësisht edhe pse i jashtëzakonshëm për nga bukuritë, bukuria e tij për disa ka qenë fatale. Pamjet janë të qarta, emërtojeni vetë këtë objekt të çuditshëm.