Një ekip si Real Madrid e kishte shumë të thjeshtë përballë Legias së Varshavës e sidomos kur luan në fushën e vet. Serinë e golave e nisi uellsiani Gareth Bale në minutën e 16’. Katër minuta më vonë Marcelo goditi topin i cili përfundoi në rrjetë pasi preku lojtarin e Legias.

Miroslav Radovic ngushtoi rezultatin duke rritur për një moment shpresat e polakëve, por Reali tregoi se janë kampionët në fuqi të këtij turneu, dhe fitimi sërish i kompeticionit është në planet e tyre. Los Galacticos shënuan edhe 3 herë të tjera në portën e Varshavës me Asensio, Morata dhe Vazquez.

Real Madrid pavarësisht fitores së  thellë është në vendin e dytë të grupit F me pikë të barabarta me Borussia Dortmund por me golavarazh më të ulët. Nga ana tjetër Borussia Dortmund fitoi përballë Sporting CP në Portugali me rezultatin 2-1. Me këtë rezultat Borussia ruajti kreun e grupit.

Për gjermanët shënuan i përhershmi Aubameyang dhe Julian Viegl.

Rezultatet e ndeshjeve të tjera të Champions League

Bayer Leverkusen - Tottenham 0-0
CSKA e Moskës - Monako 1 - 1
Real Madrid - Legia Warszawa 5 - 1
Sporting - Dortmund 1 - 2
Club Brugge - Porto 1 - 2
Leicester - Kobenhagen 1 - 0
Dinamo Zagreb - Sevilla 0 - 1