Veç përfaqësuesve të drejtësisë, në “sitën” e kontrollit dhe verifikimit të ligjshmërisë së pasurive, do të jenë dhe politikanët. 140 deputetë të Parlamentit Shqiptar do t’i nënshtrohen kontrollit të ligjshmërisë së pasurive të deklaruara si dhe hetimit për pasuritë e fshehura brenda dhe jashtë vendit.
Këtë përcaktojnë ndryshimet e miratuara nga Parlamenti në ligjin për deklarimin e kontrollin e pasurive.
Ndryshimet në ligj reflektuan rekomandimin GRECO-s, që parashikon që deklarimet e pasurive të deputetëve të jenë objekt i kontrolleve të plota dhe më të shpeshta dhe kjo do ndodhë të paktën njeherë në dy vjet.