Ligji i ndryshuar për Teatrin Kombëtar ka mbërritur në Presidencë pas votimit të enjten e kaluar në Kuvend.
Mësohet se ligji ka shkuar me të njëjtin numër si ligji i parë për teatrin. Tensioni për Teatrin Kombëtar duket se do të vazhdojë, sepse Partia Socialiste e konsideron si ligj të njëjtë. Në anën tjetër, PD e konsideron të ri ligjin dhe i jep Presidentit të Republikës të drejtën e rikthimit të ligjit.
Në bazë të Kushtetutës, Presidenti i Republikës ka të drejtë që ta kthejë për rishqyrtim ligjin vetëm një herë.
Stafi i presidentit ka marrë në shqyrtim dokumentet e përcjellë nga Kuvendi, ndërsa vendimi nga Presidenti për dekretim ose jo do të jetë brenda 20 ditësh pas kthimit të Metës nga OKB.