Andi Lila nuk do të kthehet më te PAS Janina, edhe pse e ka cilësuar vetën si në “shtëpinë” e tij të dytë të klubi grek.

Futbollisti i përfaqësueses shqiptare ka zbuluar se ka refuzuar edhe një tentativë të fundit të këtij klubi për ta mbajtur në radhët e tij.

“Faktikisht është pak e veçantë se kthehem nga Janina. Unë përveç marrëdhënieve sportive, ndërtoj edhe marrëdhënie sentimentale me njerëzit. Me ofruan një kontratë 3-vjeçare dhe të gjithë filluan të përloteshin kur i thashë jo, edhe presidenti apo edhe unë e familja ime, se ndahemi pas 5 vite e gjysmë atje.

I dhashë fund për një eksperiencë tjetër, se mendoj të provoj veten, shpresoj të bëj zgjedhjen e duhur. Unë fillimisht shoh anën sportive, pastaj financiare, shpresoj që të bëj më të mirën.

Stërvitem si fëmijë, jam 31 vjeç dhe futbolli është jeta ime, kam investuar për të që fëmijë”, tha Lila.